Вясна!
На вуліцы файна - цёпла й сонечна. Вясна!

Абуджаюцца, дарэчы, ня толькі ўзьнёслыя пачуцьці. Сёньня на цэнтральную сядзібу Партыі БНФ толькі пры мне заходзілі два тыповыя "кадры". Адзін зь іх напачатку выглядаў зусім нават звычайна. Папрасіў 15 хвілінаў дзеля важнай размовы. Сядзім, размаўляем. Ён мне пачынае разпавядаць пра праблемы са здароўем, ІІ-ю групу інваліднасьці, дакуманты паказвае... Я ўжо прагназую, што будзе, як найчасьцей у такіх выпадках здараецца, або грашовую дапамогу прасіць, або юрыдычную кансультацыю. Аднак вельмі хутка размова набывае арыгінальны  зьмест: "Я, дарэчы, пакуль хварэў - захапіўся эзатэрыкай. З душамі магу размаўляць. Мушу нават прызнацца - я з Марсу"
Пераход настолькі нечаканы быў, што я ледзьве здолеў захаваць спакойны й уважлівы выраз твару. Далей было пра рэгулярныя размовы з Арханёламі ды Уладарамі Шамбалы, ды ўсё такое.
Прычым дзяжурныя дзяўчаты такіх наведвальнікаў адфільтроўваюць, наколькі могуць, каб да нас яны не прарываліся. Вясной бывае асабліва складана!

Але, ня гледзячы на абвастрэньні, сапраўды здорава, што ўжо сапраўдная вясна!

Усім выдатнага настрою і, вядома, каханьня!